وكالة صحفي للأنباء


الصفحة الرئيسية | اتصل بنا | بحـث صحفي | بحث جوجل | ياهو | آليكسا | خدمة الترجمة
خبر في الصحافة

وكالة صحفي للأنباء
أم سى أه تنتهج سياسة إسرائيلية في لمسيحة .. والحكومة الموريتانية ضعيفة

مقال خمس نجوم
ترجمة مقال قديم للفقيه القانوني أحمد سالم ولد بوبوط
 
 

دليل المواقع


- قرآننا

- المصحف الشريف

- مخطوطات

- التلفزة الموريتانية

- مسابقات

- المرصه للإعلانات والتسويق

- مدونة التاسفرة


- موريتانيا الآن

- الأخبار

- الصحراء نت

- الساحة

- صحراء ميديا

- أقلام حرة

- cridem

- وما

- الطوارئ

- آتلانتيك ميديا

- تقدم

- السفير

- السراج

- فرصة

- Beta conseils

- ميادين

- الحرية

- تقدمي

- شبكة إينشيري

- صحفي

- أنباء

- أنتالفه

- ونا

- شِ إلوح أفش

- وكالة المستقبل

- المشاهد

- الدلفين برس

- الوطن

- الرائد

- انواذيبو اليوم

- الرأي المستنير

- الحصاد

- المحيط نت

- جريدة اشطاري

- البداية


  • CNN عربية
  • رويترز
  • الجزيرة نت
  • فرانس 24
  • كووورة

  • Google
  • Yahoo
  • Alexa
  • خدمة الترجمة

  •  
     
     
     
     

    من أمهات ابتيت لغن الحساني

    بقلم محمد ولد محمد سعدبوه ولدآد

    الجمعة 15 آذار (مارس) 2013 إضافة: (محمد آد )

    يسم الله الرحمن الرحيم وصلى الله على أشرف الأنبياء والمرسلين .

    وبعد فقد اخترت لكم أمثلة من أمهات لبتيت لكل من :محمد ولد هدار ،وسيدي محمد ولد الكصري ،وامحمد ولد أحمد يوره، والكفيَه ولد بوسيف.

    1- محمد ولد هدار:

    سُبْحان الله ألَّ تبَّاعْ == إگليدْ أُ حُكْمْ إگليدْ

    اتلَ فيهمْ ما لاهِ گاعْ == تورَ خَيْمه لوْلادْ احْمَيدْ

    دارْ التبّاعْ أَلاّ ظليْتْ == نسَّدَّرْ فيهَ واتمَشيْتْ

    عَنْهَ واعْگَبْتْ الهَ وليْتْ == عارفْ عَنْ ذَ ماهُ مُفيدْ

    غَيرْ أَلاّ باطلْ ذاكْ اتليْتْ == الِّ باگيلِ عتْ افْلَيْدْ

    توْحِيدِ بالرّبْ القهّار == أُفاتْ أخبارُ منْ لخْبَارْ

    ما ينْزادْ أُورَ شَوْفتْ دارْ == اليومْ اف تُبّاعْ إگلِيدْ

    أُ دارْ اخْرَ بانْبَيْكتْ لحْمارْ == كافِينِ ذاكْ امْنْ التوحِيدْ

    وله أيضا:

    حَحْ أصْلْ آنَ بَعْدْ أَعَدَّلْ == عَنْدِ وَ مَوْنَكْ وَ جَمَّلْ

    فيَّ منْ شَوْفْ احْسَيْ الظلْ == إجِينِ ف افْريگْ انْچرْمَيل

    اللّيْلْ أُ نَرْكَبْ فَوْگْ اجْمَلْ == وانْج لبْلمْعارظْ فاللّيْلْ

    ومن إنتاجه:

    ازْعَمْ ي عَگْلِ مانكْ گَاعْ == لاِه منْ دَوَامْ التّلْيَاعْ

    اتْخُوظْ اعْلَ دَارْ امْنْ انْواعْ == ادْيارَاتْ احْزيمَكْ لكْبَارْ

    الِّ ف الْگبْلَ تيگطَّاعْ == ما مَشّيْتْ الدّمْعْ ابْلكْثارْ

    صَوَّنْ گاعْ الدَّمْعْ أُ خَلِّيهْ == يَ عَگْلِ تَرْجَعْ تفْصلْ فِيهْ

    ويلَ عَادْ ألاَّ فَرْظْ اعْلِيهْ == الْمَشْيْ اعْلَ دارْ افْلَوْكارْ

    الْغيظْ اعْلَ دارْ إمَشِّيهْ == منْ كِيفنْ عَادْ اعْليهْ الْعَارْ

    رَاعِ هاذَ ولْ انْدكَّاكْ == أُ ذاكْ الْفُرْعْ أُ ذاكْ انْچلاَّرْ

    ذاكْ افْطَنْ عَنْدُ دَارْ أُ ذَاكْ == عَنْدُ دارْ أُ ذَ عَنْدُ دارْ

    كما أن له:

    مَبْعَدْ لحْدَيْبْ أُ تنْضلِّينْ == منْ دارَ واكْراعْ اگْوابِين

    أُ منْ لكْويرْ أُ منْ توجُنِينْ == ذُوكْ الدُّونِيِّينْ الصَّ غَيرْ

    مَحَدّنْ مَرْكُوبْ أُ لعْوينْ == يَنْجَبْرُ ما كانْ أَلاَّ خَيرْ

    2- سيدي محمد ولد الكصري:

    حَدْ أَصِيلْ افْتَگَانتْ شَامْ == نافدْهَ لاگِ عَنْهَ عَامْ

    واعْمَلْ ب الْيَالِيهْ أُ لَيَّامْ == لَيْنْ الْحَگْ منْهَ بَلْ امْنَيْنْ

    عَادُ ايْبَانُولُ رُوصْ افَّامْ == اطْرگْ تَگَانتْ متْحَدِّينْ

    فالْغَبْيْ اعْلِيهمْ هَاكْ اغْمَامْ == هُومَ زَادْ ألَّ مَشْيُوفِينْ

    مَزَالُ فالْغَبْيْ أُ لغْمَامْ == يَنْبَاوْ أُ يَغْبَاوْ امْسَاكِينْ

    مَا يَبْگ شَوْقْ ادْرَسْ مَا گَامْ == أُ لاَ يَبْگ ف الْعَيْنِينْ اخْزِينْ

    أُ لاَ يَبْگ مَنْظُومْ افْلكْلامْ == مَا جَاوْ الْفَاظُ مَنْظُومِينْ

    أُ يَبْگ مَا وَدَّ حَقْ اتْرَابْ == مَاهِ كِيفْ اتْرَابْ اخْرَ زَيْنْ

    أُ لا حَقْ امَّلِّ زَادْ احْبَابْ == مَا ينْجَبْرُ فَ ابْلادْ اخْرَيْنْ.

    وله:

    يامسْ دَارْ إِبلْغَانْ احْيَاتْ == ذاكْ الِّ شَكَّيْتْ انُّ مَاتْ

    اگْبَلْ منْ تلْيَاعِ وامْحَاتْ == منْ لخْلاگْ الِّ خَاطِيهَ

    اتْلَفَّتْ اعْلِيهَ مرَّاتْ == كِيفْ الِّ نَاسِ شِ فِيهَ

    واعْگَبْتْ امْنَيْنْ ابْعِيدْ ابْگَاتْ == وابْگَيْتْ اتْلَفَّتْ اعْلِيهَ

    تلْفِيتَ منِّ مَا خَلاَّتْ == فَظْلَ لاهِ نَكْرَهْ بِيهَ

    وللَّ نبْغِ ذَ الِّ مَوْجُودْ == اتْلَ ف الدّنْيَ رَاعِيهَ

    مَاهْ اتْلَ خَالگْ لَيْنْ انْعُودْ == نَكْرَهَّ وللَّ نبْغِيهَ

    وله:

    نَعْرَفْ بُنَايَ كَانتَ هُونْ == دَهْرْ ابْعِيدْ أُ منْ هُونْ أُ دُونْ

    الَّ عَادتْ بَاطْ اجْدرْ بُونْ == أُ عَگْبتْ عَادتْ تنْبُصْكَايَ

    عَاگبْ ذَاكْ أُ فَرغتْ يَكُونْ == اعْرَيْشْ أُ نبْتتْ صدْرَايَ

    مَاهِ بُنَايَ فَمْ الله == يگْطَعْ بالدَنْيَ خَلاّيَ

    مَعْوَدْ لامتْهَ والتّنْزَاهْ == اعْگُوبتْهُمْ رَدْ ارْوَايَ

    وله:

    كَالْحَمْدْ الِّ يَ وَادْ == لمْرَيْفگْ واكْتنْ رَادْ

    الله اعْلِيكْ ابْعَادْ == الدَّهْرْ الِّ غَلاكْ

    خسْرتْ حَالتْ لَبْلادْ == أُ عدْتْ انْتَ للِّ جَاكْ

    مَاهْ انْتَ ذَاكْ أُ عَادْ == ذَ مَاهُ دَهْرْ اغْلاكْ

    أُ عدْتْ آنَ مَانِ زَادْ == سِيدِ مُحَمَّدْ ذَاكْ.

    3- امحمد ولد أحمد يوره:

    لمْتَيّنْ منْ علْبُ لژْرگْ == حَدْ اعْلَ فُمُّ گَظْ أُ كَظْ

    اعْلَ تنْتَگْظَظْ ما يَلْحَگْ == حَدْ افْطنْ عَنْ ذاكْ إِوَعَّظْ

    لمْتَيّنْ حَدْ إِگُولْ اگْبَالْ == عَنُّ كِيفُ حَاسِ مُحَالْ

    كِيفُ تنْتَگْظَظْ ف التّعْدالْ == ما نَللَّ ماهِ كونْ أَگَظْ

    عتْ اتْكَذّبْ منْ فَمْ اگْبالْ == عاگبْ ذاكْ افْذاك أُ تَغْمَظْ

    أصْلْ اتْروحْ انْتَ ي الدّلاّلْ == ل الجَّنَّه مَرْوَحْ بَعْدْ أبْيَظْ

    وله:

    كَيَّمْلِ مَشْرَكْ وادْوَيْرَاتْ == البولْ ابْلَيْعَاتْ امْتاناتْ

    والعلْبْ ألِّ فِيهْ التَّمَاتْ == ذاكْ ألِّ لَرْباطْ افْبَاطُ

    هُوَّ گَاعْ امْتَنْهَ لَيْعَاتْ == ارْبَاطُ وارْبَاطْ ارْبَاطُ

    وله:

    لَعْلابْ الِّ كانْ المرْتابْ == اعْلِيهمْ منْ عَادتْ لحْبَابْ

    أعْلابْ احْسَيْ أهْلْ الْكَتّابْ == والْعلْبْ الِّ سَاحلْ فَاوَ

    واعْلابْ انْواذِيبُ وَاعْلابْ == الْحَيْرشْ واعْلابْ اعْوَاوَ

    وله:

    كلْتْ انّكْ منْ عَنْدْ ابْلعْكَاكْ == كُونْ اتْجَوْلِ حَگَارَه هَاكَ

    واكْرَاعْ انْکَيْگَمْ بِيكْ أَيَّاكْ == تسْلكْ منْهمْ هُومَ يَ الْبَالْ

    وارْبگْ فالْ أُ ذَ مَانِ شاكْ == عَنُّ يگْدرْ يخْلگْ وَ اشْگَالْ

    تَحْگَرْنِ حَگَارَ لَذَاكْ == واكْرَاعْ انْگَيْگَمْ وارْبگْ فالْ

    وله:

    لبْحَيْرْ الِّ كَانُ لكْويْرْ == عَنْدُ خَيْبَارَ عَادْ الْخَيرْ

    سبحان الله ألَّ لبْحَيْرْ == الْواخظْ گبْلتْ سَدْ أُ سَدْ

    وَبَرَّازْ أُ طَنكْ النّپَّيْرْ == اتْلَ ما خَاطرْ فِيهمْ حَدْ

    ذَ ظَرْكْ الْمَوْطَنْ منْ لَوْطانْ == عَوْدانُ يَ الْواحدْ لَحَدْ

    ما عَنْدُ حَدْ أُ هُوَّ كانْ == ما يَخْلَ منْ حَدْ اتْوَحَّدْ

    وله:

    ابْنصّكْ وللَّ گَاعْ انْزيدْ == امْشَ تشْوَاشْ ازْمَانْ ابْعِيدْ

    وانْتَ گَايلْ عَنّكْ مُفِيدْ == يَمْ التّشْوَاشْ اعْلِيكْ الْيَاشْ

    هاذَ هُوَّ مَوْگَفْ "تَوْحِيدْ == اللَّگّاطْ" أُ "عذْرْ النواشْ"

    واثْرَكْ لا جَيْتْ ال تنْپزَيْدْ == منْ جِيهة لُوَّيْدْ الِّ خَاشْ

    ف الْوَادْ امْنْ امْگَابلْ لغْرَيْدْ == ما يَبْگالِ منّكْ مُنْگَاشْ.

    وله:

    اشْمَشَّانَ واشْگَعَّدْنَ == آنَ وانْتَ هُونْ أُحَدْنَ

    يَ الْعَگلْ اعْلَ دَارْ افْ مدْنَ == گبْلتْ سَاحلْ وَادْ احْنَيْنَ

    شَيْنَ كَانْ اگْعَدْنَ ضعْنَ == أُ عَنْهَ كَانْ امْشَيْنَ شَيْنَ

    ما فتْنَ لَيْنْ احْنَ لَثْنَيْنْ == ف الدَّارْ ابْكَيْنَ واشْكَيْنَ

    واتْمَثْنَيْنَ ف الدَّارْ إِلَيْنْ == منْ حَقْ الدّارْ اتْنَجَّيْنَ.

    4- الكفيه ولد بوسيف:

    يَ الْعَگْلْ اگْدمْ نَافدْ لُبَّيْرْ == يَكَانكْ لَسْقَامْ إِهَنُّوكْ

    أَلاَّ حَاسِيكْ أُ فِيهْ الْخَيْرْ == مَبْرُوكْ أُ عَنْدُ منْتْ ابْرُوكْ

    مصَّابْ الْمَبْدُوعْ أُ رَدَّامْ == علْبْ النّصْ أُ زِيرتْ لغْمَامْ

    هُومَ وانْوَاتِيلْ أَنَجَّامْ == واغْنَكَّسْ وابّيْرَاتْ الشَّوْكْ

    مَا فِيهُمْ وَاحدْ فِيهْ اخْيَامْ == مَا عَادتْ فِيهمْ منْتْ ابْرُوكْ

    مصَّابْ أُوكْ أُ ظَايتْ لگْنَدْ == واحْرَاگفْ لَبْيَارْ أُ لمْلَدْ

    واعْلاَبْ الْحَاسِ والْمَحْرَدْ == يَ مصَّابْ امَّلِّ هَاذُوكْ

    مَا فِيهمْ واحدْ عَنْدُ حَدْ == ما عَادتْ فِيهمْ منْتْ ابْرُوكْ


    فرصة في فرصة
    أسماء الله الحسنى الأحد " 1 "
     

     

    موريتانيا: حملات سياسية داعمة للاستفتاء وأخرى مخصصة لإفشاله/ عبد الله مولود

    القدس العربي


    أَنْوَاعُ"الغُلُوِ السِيًاسِيِ" بِمُورِيتَانْيَا / المختار ولد داهي



    خطاب رئيس الجمهورية محمد ولد عبد العزيز في القمة العربية 28 عمان – الأردن



    عن التكامل الإقتصادي العربي / إعل الشيخ ولد سيدي عالي



    المشهد الدستوري مع نائب رئيس حزب التكتل محمد محمود ولد أمات



    أزمة التعديلات الدستورية بعيون الموريتانيين – الجزيرة.نت



    نان جينغ في عيون انواكشوط / المصطفى ولد البو



    الرد على بطلان الاعتماد على المادة 38 من الدستور في إجراء الاستفتاء الشعبي دون التقيد بإجراءات المادة 99

    سيدي ولد محمد لمين


    خاص بعقلاء الموالاة

    محمد الأمين ولد الفاضل


    خروج مسيرة مؤيدة للتغيرات الدستورية – تقرير الموريتانية